Laude in carcerem permansissent, ipsos omnes a Laude Papiam
transducere faciens, ibi eos item in carcerem ponere precepit.
Imperator namque ad Creme obsessionem rediit. Erat
enim ibi ad eam obsessionem quedam magna societas solummodo
pauperum et egenorum tunc insimul congregata, qui
derisorie filii Arnaldi appellabantur et qui cottidie die ac nocte
Cremenses omnesque etiam, qui infra Creme castrum fuerant,
sic infestabant, quod nullus infra ipsum castrum prope murum
ipsius castri se movere poterat, quem ipsi cum rumfis et
lapidibus non sauciarent. Idcirco ipsi valde magis quam
aliqui alii ipsos Cremenses tunc terrefecerant, quoniam
ipsi quottidie maximam copiam interficiebant, quia ipsi tam
parum vulnerare aliquem non poterant, quin interiret,
ut ipsimet de Crema post ipsam captam mihi multisque aliis
sepe retulerunt.
Interea Cremonenses quoddam castellum ex optimis
lignis fabricatum tam mire magnitudinis construxerunt,
quod ex hac maris parte nec par nec simile unquam visum
fuit. Preterea quoque tres manganos tam maximos ibi
fecerunt, quod nusquam amplius tales ab aliquo visi fuere.
|
1
5
10
15
20
|