9. Nolite errare . Quasi diceret: Si dixeritis vos
non habere quod praedicatori tribuatis, hominem
quidem potestis fallere, Deum autem, qui occultorum
cognitor est, non potestis irridere, id est, decipere.
10. Deus non irridetur . Tunc quasi irrideretur, si
illi qui non laborant in vinea denarium acciperent.
11. Quae enim seminaverit homo . Debetis, inquit,
praedicatoribus et proximis vestra communicare,
nam quod seminabitis metetis; omnis enim homo
hoc quod seminaverit metet, quia et ille qui seminat
in carne carnaliter operando, et ille qui seminat in
spiritu, spiritualiter operando; iste quidem vitam
aeternam, ille vero correptionem.
12. Quoniam qui seminat . Omne quod seminatur,
aut in carne, aut in spiritu, haec autem omnia
metentur.
13. In carne , id est, qui facit ipsa carnalia opera,
habebit gehennam, quae est perpetua corruptio.
14. AUGUST. ( in Epist. ad Galat. ) Ad domesticos fidei .
Quos eum, credendum est, nisi Christianos significare?
15. LANFR. Quicunque enim voluerit placere , etc.
Praeceptum est in rhetorica ut, cum aliquis vult persuadere
aliquid, in principio et in fine mentionem
faciat, quod facit Apostolus dicens: nolite facere
quod vobis pseudo suadent, id est, circumcidi, quia
propter hoc faciunt ut placeant Judaeis in carne
vestra truncata, et non patiantur ab eis persecutionem
in praedicatione crucis. Et est convertenda
propositio ita: Quicunque volunt vos circumcidi,
ideo faciunt tantum ut crucis Christi persecutionem
non patiantur; neque enim faciunt, ut legem custodiant,
vel propter aliud.
16. Mihi autem absit gloriari, nisi in cruce , etc.
|
|