Ergo aut significat per modum
inclinabilis cum distantia, aut sine distantia.
Si cum distantia, habeo propositum.
Si sine distantia, verbum erit participium.
Ergo aut verbum significabit per modum
inclinabilis cum distantia ad aliud, aut
hoc inconveniens sequeretur, quod verbum
est participium.
< 3 UTRUM ALIQUID EXISTENS IN MOTU
POSSIT IMPONI AD SIGNIFICANDUM NOMINALITER,
ET ALIQUID EXISTENS IN QUIETE
POSSIT IMPONI AD SIGNIFICANDUM VERBALITER >
Ultimo queritur, ad evidentiam istorum,
utrum res existens sub motu et dependentia
possit imponi ad significandum
nominaliter, hoc est sub modo significandi
essentiali generali nominis, qui est
modus permanentis determinate proprie
et communiter, et econverso, utrum res
existens in quiete et permanens possit imponi
ad significandum verbaliter, et hoc
sub modo essentiali generali verbi.
< 3-1 -Quod non >
Et videtur quod non. Imponens non imponit
voces ad significandum res nisi eo
modo quo intellexit res. Hoc est probabile,
|
|