nomine Biano et Vallone, et in vocabulo Collis
Oddonis, et in planitie Piscariensi, et in
loco nomine Asinarii, vocabulo Pallaricia,
accepitque Abbas inde per commutationem
ab eodem Comite in Pago Teatensi, in loco
qui dicitur Torrecella, et Colle alto, terram
secundum quantitatem suae donationis, idest
trecentorum modiorum, sicut ejusdem cambitionis
chartula manifestat. Iste Comes Trasmundus
construxit Monasterium Sancti Johannis
in Venere, et de suis rebus et possessionibus
opulenter ditavit. Qui Comes Trasmundus
junior successit majori Comiti Trasmundo in
possessionis opulentisimis, quas a suprascripto
Joanne Piscariensi Abbate in Aprutio,
Pinne, seu Tete acceperat, terram videlicet
modiorum duo millium quadringentorum.
Ipsarum nempe possessionum quaedam
ab ipso Sancti Johannis Monasterio, quaedam ab
aliis Monasteriis possidentur; quaedam vero a
Normannis invasae, ab illo tempore Monasterium
Sancti Clementis occasione supradictae concessionis
eis penitus caruit.
Erat praeterea eo tempore Girardus quidam
quondam Rocconis filius, qui tunc castrum
Poperim vocitatum tenens, solebat cum filiis
suis frequenter in montem de Ursa venatum
ascendere, et de ipso monte cum suis venationibus
in Teatinum pagum descendere, ubi
circa ipsius montis ima erant villae Monasterii
Beati Clementis, et in eisdem villis saepius pernoctare.
Qui Gerardus Abbatem Pontium
adiens convenit et allocutus est eum, et datis
ei trecentis solidis accepit ab eodem Abbate
praestariae scripto usque in tertiam generationem,
sub censu duodecim denariorum singulis
annis, villam de Tocco cum possessione modiorum
ducentorum sexaginta per loca et vocabula,
quomodo in ejusdem concessionis chartula
reperitur et legitur. Ab hoc siquidem
Girardo processerunt Albericus, et filii Alberici,
qui post mortem Girardi contra Monasterium
Sancti Clementis se erexerent, et violenter
villis de circuitu aggregatis, castrum Tocci
violenter aedificaverunt. Deinde pharum,
qui dicitur inter montes, construxerunt. Ipsique
a constructione seu diminutione Tocci,
dicti sunt Tocculani.
Domna Ota nobilis matrona, quondam Andreae
filia, pro anima sua, et duorum quondam
virorum suorum, Joannis atque Totonis,
tradidit ad proprietatem Monasterii Sancti
Clementis praediolum suum, quod habebat in
Cerbarano.
XV. ABBAS ADAM.
Ponzius Abbas cum septem annis Piscariense
Monasterium rexisset, obiit. Huic succcessit
Adam, superioris Adae, si diutius viveret,
bonus imitator, qui contra Albericum
suprascripti Girardi Rocconis filium, et filios
ipsius Alberici, qui volebant aedificare Castellum
Toccum, quod in propria possessione Beati
Clementis, et in emptione quam fecerat Romanus
Abbas jussione et censu Ludovici Imperatoris,
se erexit, et forti manu tam peditum
quam equitum eum expulit, quod aedificaverat
subvertit, igne cremavit, et ad memoriam
posterorum cineres concremati Castelli
jubens in corbellis ponere, in agrum,
qui Corbellarius ab eisdem corbellis dicitur,
eos spargi praecepit.
1019.
Cum ergo secundus Adatti Abbas Piscariensi
|
|