Petrus de Vinea: Epistolarum libri VI

Pag 325

Tomus I


Cap. XL.
Fidelibus suis, de victoria per filios suos habita
in Lombardia, et Tuscia.
Ex votiva nostrorum nunciatione successuum,
qua expectationibus vestris nostra
benignitas satisfecit, liquido potuerunt
vestri sensus accipere, quantum vobiscum
semper misericorditer egerit dextera Regis regum:
et ut videatis ad oculum, quod hostium
nostrorum versuta calliditas, divinis potius,
quam humanis exceptionibus collidatur:
audite mirabilem divinae solummodo provisionis
eventum. Nam cum Marchio montis Ferrati,
quem grata et multiplex beneficiorum
nostrorum collatio etiam cessante affinitatis nostrae
linea, qua culmen Serenitatis nostrae contingit,
obsequiosum nobis deberet efficere, tractatibus
intervenientibus Apostolicis, Lugdunensibus
potius quam Romanensibus proditoribus
nostris, reconciliatione conjunctus,
ipsorum ac Vercellensium proditorum nostrorum
munitus auxiliis, civitatem nostram Thaurinensem
a nostra fidelitate seductam, proditone
occupasset, resistentibus tantum palatio
ejusdem civitatis nostris munito popularibus,
et quibusdam de nobilibus civitatis ipsius: Fridericus
dilectus nepos noster, quem ad superiores
partes Lombardiae, pro salubri statu provinciae
Majestas nostra praemiserat, Papienses,
Cremonenses, Astenses, et Alexandrinos, quos

Torna all'inizio