nominatur, (una cum omni eorum integritate, terris, vineis, pratis,
pascuis, silvis, piscacionibus, aquis, rivis, molendinis, omnibusque
rebus ad ipsa) castella (pertinentibus et respicientibus, quatenus per
hoc nostre auctoritatis preceptum habeant ipsum monasterium
eadem) castella (cum eorum omni integritate, habeantque potestatem
prenominatus abbas, suique successores quicquid ad utilitatem
ecclesie rectum visum fuerit faciendi, omnium hominum contradiccione
remota. Si quis vero dux, princeps, marchio, comes, seu
aliqua nostri regni inferior, aut superior persona deinceps prescripta)
castella (aut pertinencias earum a prelibata Sancti Vincencii
ecclesia tollere presumpserit, et hoc nostrum preceptum infregerit,
cognoscat se compositurum auri optimi libras centum, medietatem
Camere nostre, et medietatem pretaxato abbati, suisque successoribus.
Quod ut verius credatur, diligenciusque ab omnibus observetur,
hanc paginam exinde conscribi, et prop[ri]a manu roborantes
subtus iussimus insigniri. Signum domni [.....] Ottonis serenissimi
imperatoris [M] et invictissimi augusti. Iohannes cancellarius,
ad vicem [......] Petri [.....] episcopi et archicancellarii,
recognovi et subscripsi. Data .VI. idus octubris, anno Dominice
incarnacionis .D.CCCC.LXXX.I., imperii vero domni secundi Ottonis
.XIIII., indiccione .X. Actum Beneventi, in palacio, in Dei nomine
feliciter, amen).
DIVERSA quoque libella fecit venerabilis abbas Iohannes plerisque
viris, ex rebus et possessionibus huius monasterii in Balvensi,
et Pinnensi comitatu, quorum textus ita habetur.
|
|