Iacobus de Varagine: Chronica civitatis Ianuensis

109


non sequentes, vir gloriosus et promissa non implens".
sepe enim videmus quod nubes, magna emittentes tonitrua,
magnas pluvias comminantur et tamen sepe non faciunt quod minantur.
sepe etiam aliqui venti minantur se pluvias velle adducere
et tamen sepius non adducunt. eodem modo sunt multi
vanagloriosi, qui habent verba magnifica, sed opera fere nulla.
ideo de talibus bene dicitur: nubes, ventus et pluvie non sequentes,
vir gloriosus, idest vanagloriosus, et promissa non implens. istud
per omnia in ipsis Venetis verificatum esse videmus. fecerunt
quidem multa tonitrua, idest verba comminatoria, emiserunt
ventos, idest verba ventosa, habuerunt quoque ampla promissa,
sed tamen non emiserunt pluvias, quia non habuerunt aliqua opera
virtuosa. et ideo de eis bene dicitur: "Nubes et ventus et pluvie
non sequentes, vir gloriosus, idest vanagloriosus, et promissa
non implens". capitula .VIe. partis.

Torna all'inizio