rei unde ageretur, dare, omne dampnum et expensas
exinde, sub obligo eorum bonorum, integre resarcire iam
dicto presbitero, stipulanti vice et nomine dicte ecclesie,
solemniter promiserunt, rato semper ex pacto
manente contracto, omni leg(is), iuris et constituti
auxilio et nove constitutionis beneficio, et fori privilegio,
et epistule divi Adriani, et condictioni sine causa,
et omni merito et launachil renumtiantes.
DE FINE PETITIONIS ET TERRE.
In Dei nomine amen. Talis filius talis finivit, remisit,
refutavit et tra[n]segit, et pactum de non ulterius petendo
fecit presbitero tali, talis ecclesie, accipienti vice
et nomine dicte ecclesie, quicquid adversus ipsos presbiterum
et ecclesiam dicere seu requirere, vel exigere,
poterat, personali vel reali actione, occasione dimidii
canestri uvarum, quas ab eisdem presbitero et ecclesia
anuatim, nomine pensionis seu servitii, de quadam petia
terre et vinee posite in appenditiis castri de Poppio,
que sic decernitur: .I. talis et cetera. Quod recipere et
habere debebat et consuetus est. Insuper finivit, remisit,
refutavit et tra[n]segit, pactum quoque de non
ulterius plus petendo fecit eidem presbitero, accipienti
pro se et dicta ecclesia generaliter et spetialiter, quicquid
adversus eosdem presbiterum et ecclesiam, et bona
dicte ecclesie, occasione predictarum uvarum terre et
vinee, seu alicuius eorum, dicere seu requirere vel exigere
poterat, aliquo modo vel iure, cedendo et mandando
eidem presbitero, accipienti pro ipsa ecclesia,
omne ius et actionem realem et personalem, et omnem
aliam sibi conpetentem pro dictis vel aliquo eorum,
promittens eidem presbitero, stipulanti pro se, et vice et
nomine dicte ecclesie, ut dictum est, semper adversus
eos, et bona dicte ecclesie, tacitus et contemptus permanere,
et eos exinde indempnes perpetuo observare,
et ab omni persona et loco, et non contra venire vel
|
|