Iohannes de Procida (attr.): Liber philosophorum moralium antiquorum

Pag 535


pluvia succidatur; secunda est in errario suo conservationis
et thesauri defectus; tercia est mulierum, vini, venationis et laxamenti
multiplex usus; quarta est malos habere modos inique
agendo, et in penarum afflictione crudelem esse; quinta est
plures inimicos et adversarios habere. Et dixit: mores eleganciores
quos habere possibile est, sunt esse liberalem et verecundum.
Et dixit: liberalis male vivere non potest nec vituperari
veridicus, nec humilis odiri, nec moderatus comessationibus
egrotare, nec penitens esse ad propria negocia bene attendens. Et
dixit: non oportet regem iu eum despiciente confidere, nec
in cupido multum, nec in eo qui multum transivit inopiam,
nec in eo qui, quo penam meruit, commisit errorem, nec in
illo quem dominio privavit et bonis, nec in eo qui regio regimine
passus est damna, nea in eo qui amiciciam cum inimico
regis contraxit; immo necesse est talibus nullam concedere potestatem
et, si est possibile, eorum carere suffragio in nullo eis
incumbens. Et dixit: qui splendide vivit cum rege et persistit
magnifice impossibile est eum in aliquem non venire deffectum,
propter quod regem sapientem oportet attendere ut, cum aliquem
ex suis audiverit contra se commisisse delictum, hora non transeat
quin de veritate constet eidem, et similiter de quantitate
delicti, et si de conscientia fuerit aut errore commissum, et si
condicionis est talis ut credatur ipsum ad tale quid facile redire
vel non. Et dixit: regis famulantibus expedit suam ostendere
virtutem, et fidem, et nobilitatem generis sui, ut conscius rex
status et condicionis uniuscuiusque ipsorum, cum eis posset sua

Torna all'inizio