aliam statuas ocium tuum, nec in alio delectetur anima tua,
quamdiu vixeris, in hoc mundo. Et dixit alter: bona anima
non potest quiescere in hoc mundo; unde, si bonus vis fieri,
quiescere non confidas. Et dixit alter: ad benefaciendum conare
semper, sanus sis aut infirmus, quia tibi infirmo ita bene
proderit sicut sano. Et quomodocumque accidat honorare Deum
et orare, non desinas. Et dixit alter: oportet te de cibo capere
quod sufficiat, et non concupiscere res sapidas in quibus latent
pericula tempestatum. Et dixit alter: non te eum mendace adunes
in rebus magnis aut parvis, eo quod mendax assimilatur cadaveri
quod, ubicumque reponatur, damnum infert. Et dixit alter:
o quot sunt sperantes benefacere anime, qui ad eam perdendam
nituntur! Si ergo plus esse vis anime tue, afflige eam in servicio
Dei. Et dixit alter: qui Deum vero amore diligit, mortem
non odit; et qui vero timore Deum non timet, est ille qui aliquo
peccato connectitur. Et dixit alter: quid sit obediencia vel inobediencia
scire non prodest, nisi serves obedienciam et inobediencia
excludaris. Et dixit alter: qui ob delectaciones mundanas te dilexit,
ob easdem odibit; et propter bonum eternum si quis te
diligat, amor iste semper crescet. Et dixit alter: Deum cognoscere
facit ipsum diligere, et qui Deum vere diligit, suo
servicio alia non immiscet. Et dixit alter: sic animam tuam
stabilias ut a peccatis omnibus, magnis ac parvis, excludaris, et
quicquid boni perfeceris, sufficiat tibi. Et dixit alter: omnes
homines aut Deo serviunt aut concupiscenciis; sis igitur Dei
servitor et non delectacionum mundialium, ut non bestiis assimileris,
|
|