11.
EPISTULA NEGOTIATORIS AD AMICUM
1 Petro sociorum dilectissimo, vel: amico karissimo, vel: precordiali et intimo socio, vel: prudenti et discreto viro, vel: mundana sapientia erudito, G(uido) salutem omnemque prosperitatem.
EXORDIUM
2 Quantus dolor, quanta tristitia, quantaque iugiter sollicitudo me de tui persona confundant, preteritus terminus quo te reversurum, Christi gratia concedente, incunctanter promisisti manifeste demonstrat.
velEXORDIUM
3 Quoniam sicut pariter proposuimus, ad constitutum terminum domum non remeare curasti, meror et anxietas non modica personam meam semper nimia perturbatione conturbant.
EXORDIUM
4 De persona tua, karissime socie, sollicitus semper existo, quoniam terminum, quo te ad me divina gratia comitante reversurum firmiter constituisti, indubitanter sicut credo preterisse cognoscis.
PETITIO
5 Cuius rei causa personam tuam plurimum deprecor, quatinus qualiter te omnipotens Deus interius exteriusque custodiat, michi notificare nullatenus differas.
velPETITIO
6 Hinc est utique quod te obnixe deposco, quatinus quam citius potes tuorum negotiorum status et series michi notificare labores.
VEL PETITIO
7 Quapropter societatem tuam modis omnibus rogito, quatinus si quid
|
|