per Padum .viii. millia passuum pervenitur ad fossam
Pudollam, qua dextra ripa est a canalibus
palustribus commeatus in Padum. Infra fossam
Pudollam navigando per Padum .xi. millia
passuum, leva ripa pervenitur ad vicum et
monasterium sancti Alberti. In adversa ripa,
que est modico deorsum dextra, itinere
.xii. millium passuum pervenitur Ravennam
navigio. Hoc loco quo de Pado exitur situm erat
castellum Venetorum de quo supra diximus. Sed
de eo inferius plura dicentur. Si de Ravenna
exieris eques vel pedes, itinere .viii. millium
passuum ad Padum devenies infra vicum
sancti Alberti, et pontem Padi transieris
.xxxviii. millium passuum itinere
pedestri adibis Ferrariam. Ab hoc ponte navigando
per Padum .vii. millia passuum, exitur in pelagus
per portum Primarium. Ex hoc portu et ex
portu Volane et ex portu Gauri est commodus
commeatus vehendi merces Ferrariam
ex omni portu maritimo. Sed impeditur
superbia et avaritia Venetorum, quos inordinatus
|
345
350
355
360
|