Gregorius de Catino: Chronicon Farfense

Pag 199


ut sit usque in ęvum absque ulla datione vel redditu, secundum
consuetudinem Ecclesię catholicę Romanę, ut in perpetuum
secura et libera sit, et absque ulla condicione in usum et
utilitatem et servos servorum Dei. et si quis hoc donum ullo
ingenio ex proprio iure Sanctissimi Blasii ecclesię extirpare pręsumit
aut frangere quod supra legitur, cum iniquo iudice ligatus ac cruciatus
in inferno, et cum impiis perpetuo anathemate damnatus,
et a corpore vel sanguine redemptoris Christi et ab universis ecclesiis
eius et a catholicis Christianis segregatus, et undique dormiendo,
vigilando, maledictione perpetua assiduoque fulgure a
planta usque ad verticem flagellatus, et vivens mortuus efficiatur
perenni marte in secula infinita, et cunctum per orbem fiat. Insuper
componat in pręsbyteris eiusdem ecclesię auri libram .I.
Mense augusti, indictione .XIII., Regizo Sabinensis ecclesię. episcopus
refutavit in hoc monasterio et in manus domni Berardi abbatis
ecclesiam Sancti Viti in Tancia cum omnibus eius pertinentiis
infra istos fines: a capite via super ipsam ecclesiam, a pede fossatus,
a tertio latere rigus, a quarto latere tenimentum Camponisci, ab ipsa
via pergentes in suprascriptum fossatum per terminos designatos.
pro qua refutatione ipse domnus abbas B[erardus] concessit in suprascripto
episcopio unam ecclesiam vocabulo Sancti Nycolai de
Musca cum quinque servitiis. et interfuerunt et consenserunt
atque confirmaverunt hanc refutationem Leo archipręsbyter, Berardus
pręsbyter, Franco pręsbyter, Symeon pręsbyter, Homulus
pręsbyter.
Domnus autem Berardus abbas venerabilis, iam senex, et Dei
gratia religiosus pater huius sacri cenobii. Farfensis, desiderans
hanc congregationem sine ambitionis noxa et absque symoniacę
hęresis pessima culpa per omnia fore, una cum otunium conventu
fratrum, auctoritate Dei omnipotentis et beatissimę Marię semper
virginis et cunctorum sanctorum patrum, pręcipue sanctę. Regulę
beati patris nostri B[enedicti] institutione, constituit, ut si quis
de hac congregatione vel de huic monasterio pertinentibus ecclesiis

Torna all'inizio