Iohannes Monachus: Chronicon Vulturnense, II

Pag 276


PRECEPTUM DOMNI OTTONIS IMPERATORIS DE EADEM RE
SUPER IUDICATUS.
(IN nomine Sancte et Individue Trinitatis. Otto, divina favente
clemencia, imperator augustus. Si ea, que sanctis iniuste sunt
ablata, restituerimus ad salutem nostre anime provenire non diffidimus.
quapropter omnium fidelium Sancte Dei Ecclesie nostrorumque
presencium, ac futurorum comperiat universitas, qualiter
monasterii Sancti Vincencii Iohannes venerabilis abbas nostram
adiens clemenciam, lamentari ceperat, quod) Landulfus, qui Grecus
cognominatur, tria sue ecclesie invaserat castella, que conda[m]
idem Landulfus in legali iudicio, sub pena mille aureorum, eidem
ecclesie refutaverat puplice, si in futuro aliquando aliquo conamine
eidem moliretur ecclesie subtrahere, et ne qua in posterum
definite litis oriretur intencio, propria scripcione cartarum idem
Landulfus diiudicaverat corroboracione multorum, iam dicte Ecclesie
pertinere (que quoniam) castella (ipsi Sancte iuste cognovimus
pertinere Ecclesie, hac nostra preceptali auctoritate eidem
monasterio, et Sancte Ecclesie restituimus et reddimus ipsa) castella,
(et ecclesia[m] de eis cum omni eorum integritate) investimus,
simul et iam dictum abbatem: castellum videlicet de Colle Sancti
Angeli; et castellum Vadum Porcinum; et castellum, quod Vantra

Torna all'inizio