eum retrahere ipsum graviter obiurgando, quia, si non valent
caritative admonitiones, debet facere graves obiurgationes.in
ceteris quidem que facit vir, et uxor pacientiam habere debet,
unde dicit Augustinus ibidem: "Aurum tuum vendit maritus?
a ferto, femina, patienter. sed castum ipsum opta, pro castitate
litiga. pereat villa tua, non anima ipsius te tacente pereat".
tertio debet eum retrahere, Ecclesiam, idest episcopum, interpellando;
quia, si non valent admonitiones, si non valent obiurgationes
et tamen factum est publicum et notorium, debet uxor
recurrere ad episcopum civitatis, ut virum suum terreat et sua auctoritate compescat. unde dicit Augustinus ibidem: "Nolite, pudicissime
mulieres, viros vestros permittere fornicari. interpellate
contra illos Ecclesiam, idest episcopum et prelatos
Ecclesie, ad quos spectat publicos maritos fornicarios per excommunicationis
sententiam cohercere". quarto debet ipsum
retrahere ad Deum recurrendo, quia si supradicta non valent,
debet ad Deum pro ipso preces effundere. debet etiam
ad viros spirituales recurrere, ut pro viro suo ad Deum preces
effundant. unde dicit Augustinus ibidem: "Non dico ut
interpelletis contra viros vestros fornicarios iudices publicos nec
proconsulem nec comitem nec imperatorem, sed Deum patrem
|
|