Pag 120

[V] Plurima flumina supra Mantuam influunt Padum
a sinistra et dextra. Mincius de lacu
Garde prodiens apud menia Mantue lacum diffundit,
inde profluens per .x. millia passuum apud
vicum Gubernulum Padum ingreditur. Cum Ficarolum
pervenerit Padus tendens per ruptam partem
Padi facit alios fluvios ex se, scilicet Bonellum,
Tassarolum, Barzagam et alia fluenta que mox
in ruptam Ficaroli redeunt iuxta villam que dicitur
Litiga. Hic exitur de Pado navibus et per paludes
et canale pervenitur in fluvium
Athicem. Ab hoc loco si deorsum navigaveris
versus ortum Rodigium pervenies, inde
in mare Adriaticum vel Venetias. Si per Athicem
sursum navem deflexeris, pervenies Lendenariam,
mox Veronam, deinde Tridentum poteris pervenire.
Et si ubi scinditur Athex iuxta vicum qui
dicitur Abbatia navem deflexeris per undas secundas,
pervenies Paduam, inde etiam usque Vicentiam.
Iterum per ruptam Ficaroli in Litigam
navigando fere per .xv. millia passuum
sinistra fluminis de Pado exit fluentum quod
Corvula dicitur. Per hoc est celer commeatus