23. OCCUPATIO
Occupatio est quando nos dicimus preterire
vel nescire vel nolle dicere quod tunc maxime dicimus,
ut si dicam: Pretereo tua furta, periuria et rapinas et
ad id, de quo iudicium est, revertor ;
et vocatur parenthesis .
24. DISIUNCTUM
Disiunctum est cum unicuique clausule redditur
suum verbum eodem existente supposito vel diverso,
ut: Populus Romanus Numantiam delevit, Carthaginem
transtulit, Fregellas evertit ;
et dicitur iste color ypozeusis .
25. CONIUNCTIO
Coniunctio est cum primis et sequentibus
partibus verbum interpositum est reddendum, hoc
modo: Forme dignitas aut morbo deflorescit aut etiam
vetustate ;
et dicitur zeuma a « medio ».
26. ADIUNCTIO
Adiunctio est a superiori vel ab inferiori
zeuma; et vocatur omoptoton .
a) A superiori, ut: Legit Socrates atque Plato ;
b) ab inferiori, ut: Aut morbo, aut vetustate forme
dignitas deflorescit .
|
|