45. De fastidio asturis. (Ms. CX).
Passerem domesticum melle intintum vel cum vino madefactum
cum pulvere mastici desuper asperso da ei comedere.
46. (Ms. P, fol. 48 v°. Ms. N, fol. 61 v°).
Sunt falcones qui vocantur girifalchi, qui conversantur in
Noverch, i[d est] in Norgia, in locis terrenis. Et isti sunt maximi
ardimenti, et sepissime pugnant cum magnis avibus sicut grue et
anseres silvestri et cum omni alia ave silvestri, excepto cum avibus
viventibus de rapina.
47.(Ms. P, fol. 48 v°. Ms. N, fol. 62)
Sunt et alii falcones qui vocantur peregrini, et sunt optimi et
gentiles et maximi ardimenti, et habent pennas fortes et duras et
cauda eorum pungit sicut acus et habent caput et oculos grossos,
et rostrum habent valde crossum et habent palpebras oculorum
ad modum perlarum. Pedes habent pallidos, neque albos neque
zallos, et macros et habent ungues spertas. Et sunt multum
avidi pugnare cum magnis avibus.
48. (Ms. P, fol. 49. Ms. N, fol. 62).
Sunt et alii falcones qui conversantur in Corsica et Sardinia
et sunt parvi et rubei in pectore suo et in spatulis suis, et sunt
nigri et habent pedes rubeos et caudam longam non pungentem sed
debilem. Et sunt multum superbi et de facili non recedunt a
preda quam faciunt, et sunt boni ardimenti.
49. (Ms. P, fol. 49. Ms. N, fol. 62).
Sunt et alii falcones qui nominantur gentiles et habent pennas
rubeas pro majori parte et pedes albos. Et sepissime vel pro
majori parte stant in aere in locis valde altissimis, et sepe pugnant
cum magnis avibus et non male volant. Et raro evenit quod isti
tales falcones discedant ab hominibus.
|
|