Guido Faba: Epistole

385


omnium regum terre. Ideoque beatitudini vestre pateat
insinuatione presenti nos esse in Ianuensi civitate cum ingenti
multitudine venire paratos, prout de vestro fuerit beneplacito
et mandato, ad omnem contrarietatem et molestiam repellendam,
quam iniuriam propriam reputamus.
C.
Papa respondet mittens suos legatos pro agendis.
Gregorius episcopus servus servorum Dei dilectis in Christo
filiis A. et B. divina providentia viris catholicis et christianissimis,
illustribus Franchorum et Anglorum regibus, salutem
et apostolicam benedictionem. Apostolatui nostro excellentie
vestre iusinuatio reseravit magne preclaritatis affectum,
quem habetis erga matrem vestram ecclesiam, quam
defensare summo conamine peroptatis, vestigia vestrorum
maiorum laudabiliter imitando. Unde spem indubitatam de
vobis gerentes, qui semper adiutores fuistis fidei christiane,
a latere nostro duos legatos, tam discretione quam honestate
conspicuos, ad vestram gloriam continuo dirigemus, cum quibus
et utiliter procedet vestre sapiente magnitudo.
CI.
Mediolanenses scribunt Bononiensibus de victoria habita.
Nobilibus et magnificis viris Domino O. de Mandello potestati
et consilio civitatis Bononie multa sapientia redimitis,
talis apostolice sedis legatus salutem et dilectionem in Christo.
Vestre prudentie dignis laudibus honorande rumores gratissimos
nuntiamus qui supervenerunt de novo, illius gratia faciente,
qui suam ecclesiam et fideles vult constituere triumphales.
Noscatis igitur certissima veritate quod Mediolanenses

Torna all'inizio