est; quem remittens, pro eo nunc rogat.
11. AMBROS. Aliquando . Adjecto aliquando, alium
esse hunc ostendit ab illo qui dudum.
12. Et tibi . In primis dixit, tibi, ut non videatur
alienum servum subtrahere ab ejus domino. Quod
dixit, tibi, contemplatio [ f ., contemplatione] obsequii
dixit; quod autem, mihi, secundum correptionem
ejus dixit.
13. Ministraret . Vult dicere: etiamsi hoc fecissem,
tuum lucrum erat ut is mihi ministraret. Nam si
servus tuus ministraret mihi, mercedem utique
tibi acquirebat. Nec dixit pro te, sed pro tuo
commodo.
14. LANFR. In vinculis Evangelii , id est, quae
sustineo propter Evangelium, quod praedico.
15. Aeternum , id est, aeternaliter tecum 205 futurum,
ut non dicam tibi. Astute rogat ut quod servus ei
debet, sibi dimittat. Quasi diceret: Possem dicere
quod non solum hoc, sed et teipsum debes mihi, sed
nolo.
16. AMBROS. Aeternum . Evidens est quoniam in
fugam versus est arbitrii per pravitatem. Ex his
vero quae facta fuerant occasione accepta, dixit eum
recessisse, ut melior fieret; praebebat enim firmitatem
verborum ejus, exitus ipsius negotii. Unde nec
definitive, sed dubitative dixit.
17. Ut servum . Hoc est, recipias eum non solum
servile obsequium persolventem.
18. In carne . Statum hunc temporalem dixit, qui
in praesentia habetur.
19. Socium . Si, inquit, existimas nobis omnia
esse communia, recipe hunc, eo quod eum recepi.
20. Ita, frater . Pro adjuratione posuit.
21. Te fruar . Hoc est sic videam te, in omnibus
illis quae secundum Deum sunt, profectum habentem
spiritualem, quod meum aestimo esse lucrum.
|
|