34.
Falchonem nigrum ita teneas nec multum crassum nec
multum macrum. Constringe eum cum purgatoriis galline,
et non mittas eum in aqua, nisi sit superbus. Et si est
superbus, mitte purgatoriam in aqua, et multum teneas in
manu, plus quam alios falchones. Et noli faticare eum
ultra quam ipse vult, et sic erit bonus et perfectus. Magis
balneari vult quam alii falchones, et cave ne videat aquilam,
quod, si viderit, non capiet postea avem. Et teneas eum
quantum potes ne aliquis tangat pennam ejus. Quando
proicis eum ad avem, cave ne male ducas manum, quod, si
male prohiceris, perdit voluntatem. Et ista est melior
cognitio omnibus que nunquam fueri[n]t in mundo.
|
|