evenisse, que merito debet singulis audientibus displicere.
Nam quidam scutifer P. Domini Lambertini, nobilis civis
nostri, sicut nobis ipsius querimonia patefecit, medio silentio
noctis, opportunitate captata, dextrarium suum, pannos, multos
denarios et res alias ei furtive surripuit, et ad quem locum
aufugerit vel ubi latitet, ignoratur. Cuius rei causa
vestram universitatem rogamus quatenus, si fur predictus pene
vos poterit inveniri, tam eum quam res furtivas amore nostro
designetis presentium portitori, quem ad hoc serio duximus
destinandum, scientes quod propter hoc vos habebitis ad nostra
servitia vestra promptiores, vel sic ad nos sub fida
custodia transmittatis, ut per hec semper ad vestra servitia
teneamur.
CXVIII.
Item alia pro furto.
Nobilis vir dominus P. honorabilis civis noster suam gravem
querelam exposuit coram nobis de quodam homine suo
nequam scutifero, qui dum equum suum duceret ad aquandum,
cum ipso latenter aufugit, et ubi sit aut quo iverit ignoramus.
Unde vestram universitatem duximus deprecandam quatenus,
si dictus fur in vestris partibus poterit inveniri cum
re furtiva, designare velitis B. nuntio nostro, presentium portitori:
sic eidem amore nostro prebendo vestrum consilium et
favorem, quod malefactorem ipsum ad nostram presentiam
conducere valeat puniendum.
CXVIIII.
De potestate constituente procuratore.
Pateat omnibus hanc paginam inspecturis quod nos
Ubertus Vicecomes potestas Bononie, A. et B. procuratoribus,
|
|