castella vel manualia tot paria boum habeatis quot iusta censura faccre poteritis.
castellum vero aut terram nulli unquam suspectę personę aliquo
modo tribuam. de pręcipuis autem rebus pro monasterii utilitate agendis,
non tam maxime cum laicis quum cum aliquibus ex fratribus utiliter consiliantibus,
ubi mecum affuerint, seu in capitulo cum omni agam conventu.
ęcclesiam autem ac totum monasterium studebo meliorare, et in antiquum
et iustum usum reducere, iuxta meam possibilitatem. gualdum de Salisano
ad conventus utilitatem faciam laborare. de obędientiis quas aliquibus ex
fratribus dedero, nullum prętium accipiam more symoniaco, nec alicui meo
consiliario, me scntiente, permittam. Pręterea, de omni legali decima totius
abbatię quantum secundum canones vobis attinet, et omnes nostrorum portuum
vel mercati teloneum et redditus vobis confirmo. hęc omnia, sicuti
dictum est, me firmiter spondeo observare, nisi forte vos communi assensu
aliquid volueritis indulgere. per ista sancta Dei veridica evangelia.
His autem ita peractis, non multo post quidam minus sagaces
non equo illum consilio de morum constanti benignaque probitate
subverterunt, et ab ęqui rectitudine fervoris quantocius averterunt,
eumque nimis pavidum effectum cum comite R. eiusque
socero pactum firmitatis inire fecerunt, ut illorum suffragio
in abbatię honore quoquo modo tutus roboraretur. quibus
etiam non modicam concessit pecuniam, aliquantis ornamentis
ęcclesię et veste principali altaris maioris in pignore posita. et
hoc latenter et sine conventus notitia fecit, agens contra sacramentum
quod omni congregationi iuravit. quol nos percipientes
nimis condoluimus, et subiugandum comitibus hoc pręvidentes monasterium
amplius pertimuimus. unde suppresse invicem tristes
loquebamur, et diu afflicti cottidie tractabamus. et hoc domni
Oddonis consiliarii sentientes, suaserunt ei, ut armatam manum
equitum nostrorum seu villanorum ad nos compescendos et compavendos
in hoc monasterium faceret venire. quod et factum
est. itaque omnibus ex nobis collectis in capitulum venit, et ut
omnes in sua consentiremus electione propriam a nobis in ipso
loco manuum exegit per vim descriptionem. hinc referendum
notandumque est, quod eundem domnum Oddonem ante abbatiam,
ut supra retulimus, prudentissimum sollertissimumque ac
|
|