sub pedibus conprimunt, unaqueque que sua sunt et non que Iesu
Christi sunt querit? Et quid est quod columbe geminos pariunt, sed
tamen in unum quotquot sunt in loco conveniunt, nisi quia ordo
iste in filiis pullorum columbarum similitudinem servat, sponso et
sponse dotalia querens, ut ab ancillis debita exigat, et tamen quotquot
sunt omnes consumantur in unum? Non enim sicut ille filias
sub servitute comprimit, aut omnino relinquit, sed statim filiabus
suis viros procreat et libertate donat, sic tamen, ut sibi libere obedire
compellat. Aut enim omnino erit sterilis aut, si fecunda, liberos
emittit quos generat: creatio itaque et libertas simul. Emancipati
vero non a servitute nec ab unitate solvuntur, sed manent simul
omnes, sicut columbarum caterve, omnes nidificantes, omnes libertate
gaudentes, et parientes libere in domiciliis suis.
5. Esca quoque corvorum et columbarum quam diversa sit, notum
est. Et quod in carnibus carnalis vita, in leguminibus et frumento
verba Dei designantur, quibus ignotum est? Redarguunt
autem nonnulli cistercienses, quia colores varios non devitant, tanquam
si videatur dissonum et in tanta unitate diversum. Sed ista
nequaquam dicerent, si attendissent colorem corvi semper et in
omnibus uniformem, colorem autem columbe multiplicem. Haud
dubium quod abstinentia mali, quam operatur timor una est, operatio
vero boni, quam operatur caritas, multiplex: non enim unum est
Spiritus sancti donum, sed multa. Attende tibi, iam nunc, attende,
sed humiliter, beata gens, populus quem elegit Dominus in hereditatem
sibi, age viriliter et confortare, quia complacuit Patri tuo tradere
tibi regnum. Cognosce diligenter que tibi a Domino sunt, ut
non sis tantis ingratus muneribus, sed memento pharisei ruinam et
publicani hominis penitentiam, memento quam detestatur alta qui
exaltat humilia. Si vero fratres illi, de quibus sermo habitus est,
felicitati vestre invidendum existimant, transeant ad vos, et sint et
ipsi pariter quod emulantur in vobis; nempe et de populo Iudeorum,
|
|