regimen et tempus longum a minutione in idem convenerint, plenius rectificabunt.Flegmatis abundantiam significant albedo superflua cum obscuritate, mollities in tactu et frigiditas, multitudo salivae et sitis paucitas, nisi sit flegma salsum, dolor capitis, oris insipiditas, digerendi debilitas horrenda, rugitus et tortio ventris, urina discolorata et spissa, albedo egestionum cum fluiditate, infrigidatio ventris et intestinorum, gravedo renum, pigrities corporis in sensu et motu, multitudo minctionum, [101va]somnus multus et gravis, imperfectio sensuum, inflatio faciei, mollities pulsus cumque tarditate et parvitate, in somnis nives, flumina et pluviae apparebunt, et si tempus, aetas, consuetudo et regimen praeteritum in idem conveniunt, magis te certificabunt. Flegma salsum significat sitis, salsedo oris, et nonnumquam amaritudinem vicerit adustio in eo, quare credit medicus, quod sit colera, et errat. Item quandoque remotum est a via oris, et remanet insipiditas in ore vel bonus sapor, adest diminutio appetitus cibi et augmentum appetitus aquae potandae, scabies pruriginosa cum squamis albis, urina colorata et mediocris, cantabries aliorum <membrorum> et faciei cum reliquo corporis, et saepe solet esse cum dolore pectoris et tussi sicca. Dulce facit dulcedinem oris, gravitatem frontis, eructuationem ferventem,ac si putrida comedisset, urina est colorata et spissa cum quadam
lividitata vel aemulo colore, plenitudo in venis. In acetoso urina est discolorata et mediocris, indigestio, acetosa eructuatio sine febre, desiderium mordosum, gravitas splenis et maxime post cibum tortio multa, et si fuerit gisseum, apparebunt nodositates in corpore. Flegma aquosum et mucilaginosum habet urinam aquosam, dolores rheumaticos, humiditates narium et totius corporis mollitiem cum frigore superfluo, et cum salivis sputum velut aqua.
Coleram rubeam haec signa declarant: citrinitas oculorum, oris amaritudo, [101vb] siccitas et asperitas linguae et palati, sitis, tinnitus aurium, narium ariditas, pulsus citatus, longus et stinctus, fastidium, nausea et vomitus colericus, strictura ventris, et quandoque solutum abundat in intestinis, peccat quantitate, vigiliarum instantia, dolor dextrae partis capitis, urina colorata et tenuis, fervida in somnis proelia, vexilla citrina, ignes et res alias imaginatur, et si particularia idem
dicunt, plus certificabis. Coleram citrinam vitellinam insinuant: urina subcitrina, mediocriter tenuis, ad mediocritatem multum accedens, amaritudo oris cum insipiditate,
|
|