plus de ducentis fuerant, et una cum Rothegherio aliisque
etiam villanis, qui in ipso castro morabantur, captos
et ligatos turpiter deduxerunt; ac Mediolanum reversi omnes
in carcerem eos posuerunt. Imperator itaque hoc audiens,
quamvis de pace sibi fracta ac de suo castro dirupato suisque
hominibus captis et in carcerem sine ulla racione ab his,
qui fidelitatem ei iuraverant, positis valde condoleret, tamen
nec propter hoc super eos adhuc insurgere nec aliquod
malum eis inferre curavit. Interea imperator Laude veniens,
cum castrum Tricii iam captum fore audivit, Bononie
reversus est.
Preterea namque in sequenti pascha pentecostes, quod fuit
|
1
5
10
|