Iohannes Bononiensis: Summa notarie

Pag 710


e. Qualiter executor scribere debeat quando quis
receptus est in ecclesia collata sibi.
Frater I etc. executor domìni pape dilectis filiis ..
decano et capitulo londoniensi salutem in domino.
Dudum sanctissimi patris nostri domini Martini pape
iiii litteras recepimus in hac forma: Martinus servus
servorum etc.

Quarum auctoritate prefatum P in nostrum et ecclesie
nostre canonicum recipere fecimus et in fratrem, eidemque
stallum in choro et locum in capitulo ipsius ecclesie cum
plenitudine iuris canonici duximus assignanda.
Cumque postmodum in eadem ecclesia quedam prebenda
vacasset per mortem talis olim ipsius ecclesie canonici,
nos autem prebendam ipsam cum omnibus iuribus et
pertinenciis suis P predicto contulimus et assignavimus,
sibique de ipsa providimus, investientes eundem per nostrum
anulum presencialiter, necnon in contradictores et rebelles
ac omnes et singulos qui eidem P super ipsa prebenda et
iuribus et pertinenciis suis de facto se opponerent, seu
ipsum in aliquo molestarent super ipsis quominus ipsorum
possit pacifica possessione gaudere, in hiis scriptis exconmunicacionis
sentenciam promulgantes.
Quocirca vobis universis et singulis apostolica qua in
hac parte auctoritate fungimur mandamus, quatenus eundem
P in eadem ecclesia residere paratum ad prebendam
ipsam, cottidianas distribuciones et tractatus capituli, ac negocia
et tractatus ac ad universa iura que debentur canonico
prebendam adepto infra viii dierum terminum post harum
presentacionem — quem vobis pro duobus edictis et uno
peremptorio assignamus — liberaliter admittatis, sibique de
eiusdem prebende fructibus et proventibus quantum in
vobis fuerit plenarie respondere curetis.
Alioquin in te, decane, et singulos canonicos ipsius
ecclesie ex nunc in hiis scriptis exconmunicacionis

Torna all'inizio