"poetas", "Musas". 19 Secunda declinatio terminationes habet VI:
in er masculinorum tam Latinorum quam Grecorum, ut "caper",
"Alexander"; in ir, ur Latinorum tantum masculinorum, ut "uir",
"satur"; in us Latinorum et Grecorum masculinorum et femininorum
et neutrorum, ut "hic clarus Homerus", "hec cipressus","hoc
uulgus"; in eus Grecorum tantum masculinorum, ut "Tydeus"; in
um neutrorum Latinorum et Grecorum et figurate femininorum,
ut "hoc regnum", "hoc Pelium", "hec Glicerium". 20 "Panthus"
etiam pro "Panthous" per sineresin dicitur et similia. 21 In os
etiam secundum Grecos, ut "Priamos, Priamoy". 22 Genitiuus
huius declinationis in i longa terminatur in omni nomine, sed in
quibusdam una sillaba abundat, in quibusdam par est. 23 Nam in
ir, ur, eus una sillaba uincunt in genitiuo et penultima breuiatur,
ut "Treuir, Treuiri", "satur, saturi", "Oileus, Oilei", nisi poetice
|
|