benignissimus monachorum. in suis sibi peccantibus indulgentissimus,
nec unquam diu suspiciosus. religionis et bone
consuetudinis amantissimus, bonorum hominum et equitum collector
promptissimus, minorumque virorum blanditor humillimus.
ad extraneos etiam et potentes nimis benignissimus, et visu benivolus;
in benefaciendo vero suis propriis non nimis sollicitus.
rectas observantium propositiones bene reverentissimus, credulus
et amator sibi adhęrentium familiarius, et flexibilis valde supplicantibus
se rationabilius. favorum hominum bon,+que famę cupidus,
in utroque etiam proposito aptissimus, moribus quoque et
actis digne comptus, castus ipse, et in causis custodiendis cautissimus.
acquisitor autem avidus, et distributor largifluus. Inconsiderate
nanque et improperanter dator assiduus. iuris huius
ęcclesię et libertatis per omnia amantissimus, quam, Christo protegente,
suis temporibus eruit variis oppressionibus, et ditavit
maximis honoribus.
Electus quidem a cunctis unanimiter post domni Supponis
mortem, iam iuvenis et plus minus triginta habens annos ętatis,
in festivitate sancti Calixti papę quod est .II. idus octobris, et
ad ultramontanas partes mox missus ad domnum Heinricum imperatorem
tertium, a quo abbatię huius accepit corroborationem
investitione, altero die post dominicę incarnationis solemnitatem,
scilicet in beati Stephani festivitate, quod est .VII. kalendas ianuarii,
anno vero Christi nativitatis millesimo ac quadragesimo
octavo. et vixit in hoc regimine annos .XLII. iamque senex
et plenus dierum obiit dominicę incarnationis anno millesimo
.LXXXVIIII. nocte kalendarum novembrium, quinta videlicet
feria, ad nocturnas ipsius diei festivitatis iam nobis ingressis.
cuius omnium pręcipuarum rerum acquisitiones hic nobis
sub brevitate placuit inserere, ut plenius et nominatim sciant qui fastidiuntur
prolixa lectione hanc perspicientes brevissimam subnotationem.
verumtamen prius ipsius describimus electionem cunctorum
seniorum munitam nominibus confratrum et una cum eo
directam ad imperatorem.
|
|