causa hoc dicit, vel ut quidam dicunt, impeditae
fuerit linguae; scientiam enim causam fuisse dicit
quod tanta operatus sit.
11. AMBROS. Nam et si imperitus . Hoc non ad apostolos
pertinet, sed hos tangit quos praeferebant Corinthii,
causa accurati sermonis, cum in religione
vis sermonis necessaria sit, non sonus dulcis.
12. LANFR. In omnibus , etc. Omnibus vobis manifestus
sum quod in omnibus, licet imperitus sermone,
scienter me habui, quia non peccavi in hoc quod
me humiliavi, vel quod gratis praedicavi, id est,
non capiens a vobis sumptus, dum praedicarem. Et
hoc probat; nam ab aliis, inquit, Ecclesiis tantum
capiebam stipendium, dum vobis praedicarem.
13. AMBROS. Nunquid peccatum . Seipsum humiliat,
cum id quod sibi debebatur non exegit.
14. LANFR. Nam quod mihi deerat . Quasi aliquis
diceret: Unde ergo vivebas?
15. AMBROS. Haec glorificatio non infringetur . Gloria
est a licitis abstinere, maxime ad aliorum salutem.
16. In quo gloriantur . Gloria pseudoapostolorum in
pecuniis erat accipiendis. Ideo Apostolus hoc refutavit,
ne illis similis videretur, quia nisi hoc ab Apostolo
fuisset vitatum, major occasio illis fuisset data
accipiendi.
17. LANFR. In quo gloriantur . Ideo, inquit, non
accipio, ut in quo gloriantur, id est, in accipiendo,
inveniantur nobis similes cum nos quoque nihil
capiamus. Vel ideo non accipio, quia quidam praedicatorum
sine stipendio praedicabant mendacium, ut
religiosi viderentur, et se nobis praeferre possint.
18. Nam ejusmodi pseudoapostoli . Reddit causam,
cur quidam illorum sine stipendiis praedicarent. Per
hoc, inquit, transfigurant se in apostolos lucis, seu
Christi.
|
|