castris et arcibus Ytalie imperatori iam suppositis; et quam
arcem Garde predictus Marchoardus partim cum Brixiensibus
partim cum Pergamensibus, tum etiam cum Veronensibus
et aliis Lumbardis quasi per annum obsederat.
Die vero Lune, que fuit quarta dies ante kalendas Novembris
predicti anni, reversus est de terra Teutonica christianissimus
augustus in civitate Laude cum Beatrice serenissima
coniuge sua et cum canzellario electo Colonie archiepiscopo
et cum Hermano Verdensi episcopo et Conrado electo Maguncie
archiepiscopo, qui frater erat Ottonis comitis palatini,
et cum ipso etiam comite palatino et cum comite Gabardo,
Marchoardo et comite Conrado de Ballanuce atque cum
filio ducis Guelfi et cum multis aliis principibus.
Deinde proxima die sabbati, que fuit secunda dies mensis
Novembris, venit Laude dominus papa Victor cum suis cardinalibus;
et proximo die Lune fuit ductum a Laude veteri in
novam civitatem de Laude corpus beati Bassiani confessoris
cum maximo honore maximaque leticia. Ipse enim met
|
1
5
10
15
|