Desiit vero a regimine idem abbas Iohannes xv. kalendas
augusti, expletis annis .XIIIIcim mensibus tribus, diebus xxv., sed
et apud Casinum Poto annis septem exactis, Theodemar substituitur
abbas, anno Domini DCCLXXVII., indiccione prima
Hoc tempore Carlomagnus, filius Pipini, invitatus ab Adriano
papa, propter Desiderium regem, super Papiam venit, hic beato
Petro preceptum genitoris sui, sacramento terribili, cum suis ma-gnatibus
et Elio Pipino confirmavit.
Hic vero dicendum q'aliter Francorum regnum institutum sit,
vel unde ipsius origo gentis fuerit. et quoniam in principio libri
huius, compendii gracia, aliqua nos in posterum distulisse reminiscimur,
que addenda sunt competenti loco inferimus. regnum
enim Francorum a viris tantum christiane fidei religione pollen-tibus,
Pipino videlicet ac Carolo, cepimus, sed horum prime propago
originis unde processerit alcius repetamus, eo quod aliquid
necessarium scire cupientibus ibidem inveniatur.
Vastitas tocius orbis ab hystoriographis in tres partes dividitur,
idest Asia, Europa, Africa. in Asia ergo situm est quoddam
oppidum Troianorum, ubi civitas, que Iulium dicta est, posita fuit;
ibi prefuit dux Eneas. gens illa nimis valida in certaminibus,
semper inquieta et sibi finitima debellantes. surrexerunt autem
reges Grecorum adversus Eneam et gentem illam, et reges Troianorum
cum exercitu magno pugnaverunt invicem, et facta est ab
utrisque cedes magna. fugiit Eneas et recondidit se in Hilium
|
|