10. Vbi cecidit uir fortis in proelio
clipeo fracto, cruentata romphea.
Lanceae summo retunso nam iaculo
sagittis fossum fundis saxa fortia
corpus iniecta contriuisse dicitur.
11. Heu, quam durum quamque triste nuntium
illa sub die deflenda percrepuit.
Nam clamor ante orrendus per plateas
lacrimis dignus sonuit, quam tristia
eius per uerba mors esset exposita.
12. Matres, mariti, pueri, iuuencule,
domini, serui, sexus omnis, tenera
aetas perualde, sacerdotum inclita
caterua, pugnis sauciata pectora,
crinibus uulsis, ululabant pariter.
13. Deus aeterne, limi qui de puluere
plasmasti tuam primos ad imaginem
parentes nostros, per quos omnes morimur,
misisti tuum sed dilectum filium,
uiuimus omnes per quem mirabiliter.
14. Sanguine cuius redempti purpureo
sumus, sacrata cuius carne pascimur,
Herico tuo seruulo melliflua
concede, quaeso, paradisi gaudia
et nunc et ultra per immensa secula.
|
|