Gloriosa epistola ad imperatorem
Invictissimo et gloriosissimo suo domino F. Dei gratia Romanorum imperatori et semper augusto G. Bononiensium rector promptum semper et fidele servitium.
Quoniam vos, divina comitante clementia, Cesaris Augusti potentiam, piissimi Iustiniani sollertiam, et potentissimi regis Caroli audatiam superare cognosco, imperator sanctissime, ideo vestri potentatis digna preconia referre non presumo cum nullius cordis ingenium et scribentis officium ac alicuius oris eloquium ad hoc enarrandum sufficeret. Predictos quidem Xristus eligi permisit, vos autem sui gratia ipse idem constituit; eis nempe diversas gentes tributarias fecit, sed ut vobis sol luna et ceterae stellae, aqua terra3 et omnes gentes servirent firmiter precepit.
|
|