collectam peccuniam tributorum ad publicum aerarium
accessisse. Lauda ergo deum tuum, o cesar, mente sincera et in
perseverantia laudis intende, prospere procede et regna.
O quanta et qualia, quę pertinent ad doctrinam tuę informationis
et ad augmentum tui honoris, in hoc libro videbis;
unde valde et multum gaudebis. Sunt enim ibi quędam inserta
de puericię tuę hystoria deque pontificum Italię fide permodica
superadditis quin etiam aliis corporis et animę
necessariis. Quibus iterum iterumque relectis sede pro
tribunali, o cesar, cum tuis electis et discerne arbitrio
iustitię, quotis benivolentię privilegiis sit dignus vir iste, qui
contra desertores pro regia fide fungitur vice agonistę. Plurium
quidem obsequiorum ponderibus dorsum exhibuit et
secundum evangelium sicut ministrans servus fecit, quod facere
debuit. Nam ipse est phenestella, ipse monitor, ipse
hystoriographus, ipse propheta et plus quam propheta.
Quodcumque enim intimat scripto, monstrabit et digito. Iustum
est itaque, ut largitricis gracie plenitudine respicias eum
de imperialis potentatus altitudine. Assumpta quęso stabilitate
accede, mi domine, ad legendum; non desinas usque ad
finitimum complementum. Dicit tibi Cato: Multa legas
p. 106
|
1
5
10
15
20
|