ipsum ulterius differatur, sibi firmiter
et expresse mandarunt, ut eisdem tuis nunciis
sociatus, de terra praedicta discederet ad te
cum rebus ablatis omnibus rediturus. Qui
dum ad te sub nunciorum tuorum custodia rediens,
ad castrum quod Marsanum dicitur devenisset
a praefatis nunciis tuis res omnes quas
secum ferebat restituere violenter impulsus fuerit,
mortisque sibi forte metuens imminere
periculum, ab eorum oculis repentinus aufugit,
et Romam se dicitur contulisse. Propter
quod, licet frivolam occasionem assumens, de
bonis ipsorum Tudertinorum repraesalias te velle
facere comminaris, in eorum praejudicium
manifestum; nos autem ipsorum supplicationibus
inclinati, fidelitati tuae praecipimus, quatenus
si praemissa veritate nitantur occasione praedicta,
de bonis Tudertinorum ipsorum, sine
specialis Celsitudinis nostrae mandato, repraesalias
aliquas facere non praesumas: sed si quid
juris te contra ipsos habere contendis, illud
(prout rationis et moris est in simulibus) per
nostram Curiam observatum, recepto prius hoc
oraculo Majestatis nostrae prosequaris.
Cap. XXV.
Quod restituatur pecunia mutuata.
In nostrae Majestatis praesentia constitutus
R. de N. fidelis noster, coram nobis exposuit
conquerendo, quod B. et H. de N.
sibi ex causa mutui in quadam summa pecuniae
teneantur astricti: eam ut tenentur et debent
sibi solvere contradicunt, ut asserit, in ipsius prajudicium