exercitum supradictum; et illi de exercitu levaverunt canpum ipsa die martis, et, factis
aciebus, tam militum quam peditum, viriliter et potenter Imolam perexerunt, ea intentione
et animo preliandi cum Bononiensibus memoratis, si eos invenissent; sed ipsi iam, hospite insalutatos,
recesserant, reliquentes currus et scutus et multas res, que illuc portaverant; que
omnia fuerunt eis obprobrium senpiternum.
Item, die.………, dominus Petrus de Piperno cardinalis, apostolice sedis legatus, intravit
civitatem Bononie.
Item, die sabati XX mensis octubris, dictus dominus Maximus comes Romaniole separavit
se de civitate Faventie insalutato hospite, dicendo quod ipse ibat causa venandi, et ivit
Ravennam, que civitas Ravenne tunc inimicabatur civitatibus Faventie, Forlivii, Cesene et
Imole. Et dominus Petrus de Piperno cardinalis, legatus apostolice sedis, qui erat Bononie,
separavit se de ipsa civitate, tunc et ivit Florentiam.
Item, eodem anno, die martis VI mensis novenbris, nobilis vir dominus Maghinardus de
Sosenana capitaneus civitatum Faventie et Imole, cum quatuor centum militibus armatis et
duobus millibus peditibus bonis et bene armatis lanceis longis, equitavit versus civitatem Ferarie,
et ivit Mutinam in auxilium domini marchionis Açonis; occasione quoniam comune Bononie,
cum toto suo exforcio, equitavit, et posuit exercitum supra castrum Baçanum, quod fecerat
inforciari ipse dominus marchio, in districtu et comitatu Mutine. Et in ipso castro erant reclusi
IVc equites et mille pedites: tandem, quia illi de dicto castro non habebant victualia, immo
oportuit eos comedere carnes equorum tribus diebus, salvis personis et rebus eorum, reddiderunt
castrum comuni Bononie; et hoc fuit die sabati XXIV novenbris.
Item, die mercurii XIV mensis novenbris dictus dominus comes Romaniole, qui erat Ravenne,
cum toto suo exforcio de Arimino et de Marchia et Ravenna, militum et peditum,
transitum fecit desuptus Imolam, et torsit in auxilium Bononiensium.
Anno a nativitate Domini nostri Ihesu Christi, millesimo ducentesimo nonagesimo septimo,
indictione decima, die veneris XXVIII mensis decenbris, illustris vir dominus Galasius comes
Montisfeltri et dominus Maghinardus Paganus de Sosenana, capitanei generales in provincia
Romaniole pro civitatibus Cesene, Forlivii, Faventie et Imole, Castrocarii et Bagnacavalli
et eorum sequacibus et consortibus, et anbaxiatores solenpnes predictorum locorum iverunt
ultra Paudum, ad parlamentandum et habendum coloquium cum illustri et magnifico viro
domino Açone marchione extensi, super tractandis et ordinandis eorum factis et negotiis
et amicorum suorum, et redierunt die lune ultimo decenbris.
Item, eodem millesimo ducentesimo nonagesimo septimo, indictione decima, electus fuit
nobilis vir dominus Ugoçonus de Façola capitaneus generalis guerre pro civitatibus Cesene,
Forlivii, Faventie et Imole, et earum sequacibus, et venit ad civitatem Forlivii die XXI mensis
februarii, et sequenti venit Faventiam, et eadem die ivit Imolam.
Item, sub eodem millesimo, die veneris primo mensis marcii, intravit regimen civitatis
Faventie, pro sex mensibus, dominus Ordellaffus de Ordellaffis de Forlivio.
Item, eodem anno, die iovis secundo mensis maii, suprascriptus dominus Ugoçonus de
Façola capitaneus generalis, dominus Ordellaffus potestas Faventie et dominus Maghinardus
capitaneus Faventie et Imole, cum militibus et peditibus et guarnimento eorum, equitaverunt
ad terram Lugi comitatus Imole: et statim, ipsa die, inceperunt inforciare castellare vetus
Lugi; ipsum castrum Lugi, magnis foveis et cum bona stechata, inforciaverunt et munierunt
|
|