[2]
Statuimus ut maiores Pistorie consules non portent corredum
de collo vel de dosso de Comuni, nisi comuni consilio
consiliatorum omnium vel maioris partis, qui tunc Pistorie fuerint. \*
[3]
Item statuimus ut maiores Pistorie consules non faciant
vindictam in avere vel personam ultra .XX. solidos, nisi comuni
consilio consiliatorum electorum omnium vel maioris partis,
qui tunc Pistorie fuerint, exceptis penis et vindictis in capitulis
specialiter expressis. Set si iverint extra civitatem per cavalcatam
vel hostem vel ertam, possint facere vindictam, secundum
quod eis melius videbitur, ad honorem et bonum Pistoriensis
populi.
[4]
Item statuimus, ut quicquid dictum est in sacramento maiorum
Pistorie consulum et omnibus constitutis eis assignatis de
penis tollendis et dannis dandis, quod teneantur non reddere
nec facere reddere, nec emendare nec facere emendare. Et similiter
suos proximos successores iurare facient. Et quodcumque
dampnum de habere alicui Pistoriensi civi vel burgorum vel suburbiorum
fecerint propter honorem et [bonum] Pistoriensis
populi teneantur non emendare nec emendare facere.
|
|