Et ita relinquentes regem, ad cellam reversi sunt. Quidam vero
regis agnoscentes consilium, sed quid sancti viri responderint
ignorantes, copiosum auri pondus, quod mittendum apostolico
fuerat, secum eos detulisse ad cellulam opinati sunt. Deinde
inter se conventione pacta condicunt ut noctu heremum latenter
ingressi et monachos interficerent et pecuniam asportarent. Quos
cum beati viri temptantes irrumpere persensissent, adventus eorum
causam protinus agnoscentes, confessionem inter se facere et sanctę
crucis se ceperunt vexillo munire. Erant autem ibi duo
pueri eorum obsequio ex aula regia deputati, qui prout vires dabant,
stare pro sanctis et furibus resistere nisi sunt. Fures vero reperto
tandem aditu irruentes extractis gladiis omnes pariter occiderunt.
Tunc thesaurum anxie perquirentes et eversis omnibus
nichil invenientes, ut tanti reatus crimen obtegerent et humana
suspitio non armis sed flammis potius quod factum fuerat
|
1
5
10
15
|