inferens judicium ultionis, nam nec occisis
sufficiunt sepulturae, nec Cremonae palatia
multitudinem capiunt captivorum. Quaproter
Imperialis victoriae festum solenni gaudio
fideles celebrantes populi, de tanti trophaei
preconiis ingenti laetitia gaudeatis.
Cap. II.
Regi Franciae, et aliis regibus et nobilibus,
super obsidione civitatis Viterbii.
Subministrante nobis novorum emergentium
varietate materiam, tam nova
quam vetera scribere cogimur, ut ad vos
plena notitia nostrorum eventuum, ex certa
scientia perferatur. Obsidentibus nobis siquidem
Viterbiensem civitatem, et ad expugnationem
ejusdem, pro infinita multitudine
machinis praeparatis, ex adverso provisa est
summae subtilitatis et industri aevia, quae propositum
nostrum a coeptis averteret: et justum
animi nostri motum, quem tam inopinatae
perfidiae contra nos, et imperium nostrum
perpetratae commoverat praeter omnem spem
nostram et eorum meritum, ne ad vindictam
nobilis ira procederet, deliniret, ac inter
omnes Ecclesiae Ronianae Cardinales praecipuus
amicus noster ad talia mitteretur, Otho
videlicet sancti Nicolai in carcere Tulliani