Sequenti vero die Lune imperator in broilo non multum
longe a fossato Mediolani a porta Ticinensi usque ad portam
Arienzam castra collocari precepit. Deinde in unoquoque
die Mediolanensium segetes depopulans civitatem circuibat;
et si quos de Mediolanensibus, qui pro lignis accipiendis exibant
civitatem , capere poterat, manum cuique ipsorum detruncari
precipiebat, ut eos terreret, tam pauperes quam divites, ne
civitatem egrederentur. Et sic quasi omnes Mediolanensium
segetes et vineas arboresque devastavit et fere omnem vivendi
spem eis abstulit. Et Papiam postea reversus est.
Peritissimus ibi imperator considerans se plenarie non posse
nocere Mediolanensibus, quin a Placentia et Brixia mercatum
victualium haberent, si Papie moraretur, statuit Laude
yemare cum Beatrice coniuge sua et cum filio ducis Guelfi
et cum duce Frederico de Rotemburgo consobrino suo et
|
1
5
10
15
|