Petrus Pisanus: Carmina

Pag 51


Nos tibi pro tali dicamus carmine grates,
Quo pro me summum precibus pulsare tonantem
Sat tibi cura fuit, tetro merore relicto.
Sed causas mentis clausisti fronte sepulchro
Demissa tres, de quibus haut responsa dedisti:
Si cupis ingenti ferri tu pondere frangi,
Carceris aut saevo fessus recubare sub antro,
Aut si pompiferi Sigifrit perpendere vultum,
Impia pestiferi nunc regni sceptra tenentis,
Ut valeas illum sacro perfundere fonte,
Vis, qui te cernens vita spoliabit et arte.
De his responsum ne cesses mittere nobis:
‘Tange caput, suspecta manus percurrat ad aurem;
Altera iam tenerum festinet tangere ventrem,
Necnon per ternos consurgat littera ramos’.
Hoc precor ut solvas, Christi venerande minister.

Torna all'inizio