M. restitui facias pecuniam supradictam. Dummodo
etc. prout supra, in alia.
Cap. XCVI.
Eidem, ut non molestet eum qui bona quaedam
emerat ab Episcopo memorato.
Ad Majestatis nostrae praesentiam accedens
P. de N. fidelis noster exposuit cum querela :
quod cum olim P. Firmanus Episcopus,
tum residens in Episcopatu praedicto,
sibi Potestarias quorundam locorum vendiderit,
pro certo pretio, cum omnibus juribus
ad ipsum spectantibus, in quibusdam aliis castris,
prout in publico instrumento venditionis
ipsius, inde confecto, per memoratum
Episcopum sigillato sigillo plenius dicitur contineri:
tu, sicut dicit, sua occupando jura,
non permittis eundem Potestarias ipsas recidere
ac habere, in ipsius grave damnum, et praejudicium
manifestum. Cumque idem P. fidelis
noster, Excellentiae nostrae humiliter supplicarit,
ut sibi super praemissis, Celsitudo nostra
dignaretur, secundum justitiam providere:
nos ipsius supplicationibus benignius inclinati,
fidelitati tuae praecipiendo mandamus: quatenus,
si tibi constiterit de praemissis, et antequam
praefatus Episcopus, ex laesa conscientia
reus Marchiam exiverit, venditionem ipsam
fecerit eidem : ulterius ipsum, de praedictis,
contra justitiam, non molestes: nisi forsan ad
hoc aliqua justa causa te moveat: quam, mandati
praesentis executione suspensa, Curiae nostrae
scribas.