A sepulcro Domini usque ad foramen. ubi fuit fixa crux super montem
Calvarie. sunt LXVij brachia. sed de meis passibus XXV. Longitudo
ecclesie sepulcri est primo a capite ecclesie vel volte sepulcri usque ad
chorum ecclesie Golgotane usque sunt XLviij brachia et a capite chori
ecclesie Golgotane usque ad finem sunt LVij. et sic tota ecclesia est longa
centum quinque brachia. Latitudo ecclesie sepulcri est LXiiij brachia. A
principio descensus caverne usque ad descensum ad locum. ubi fuit inventa
crux. sunt LV brachia. Mons Calvarie desuper. ut dixi. est planus
et laboratus opere moysayco preterquam modicum juxta foramen. ubi
fuit crux fixa. forte quatuor brachia et latitudo montis pro quolibet latere
continet XVj brachia. Sepulcrum Domini. unde est quadrum usque capellam.
ubi apparuit Marie Magdalene. continet Vij brachia et unam palmam:
ab aliis duobus lateribus. pro quolibet latere. continet Xj brachia et unam
palmam.
Explicit secunda pars descriptionis sepulcri Domini et intus et extra.
prout melius scivi et potui. et de locis devotis visitandis.