Lanfrancus Ticinensis: In omnes epistulas Pauli commentarii, cum glossula interiecta

Pag 353


14. LANFR. Ecclesia Dei vivi, columna , etc. Ecclesia,
id est, fideles sunt columna veritatis, id est,
ut ipsam veritatem, id est Christum, ne perversi
subvertant, directe sustentant.
15. AMBROS. Dei vivi . Optime adjecit Dei vivi, ut
ostendat ex hoc Ecclesiae dignitatem.
16. LANFR. Columna . Ecclesia Dei in magnis viris
columna est, qui alios sustinent; in eisdem etiam
firmamur cum veritatis firmamento, quia ipsi verbis
et miraculis veritatem Evangelii confirmant.
17. AMBROS. Manifeste . Quia Ecclesiam columnam
veritatis dixit, ostendit ipsam veritatem, quae
sit.
18. LANFR. Magnum est pietatis sacramentum .
Veritas et sacramentum quod hic habetur, id est,
Christus, qui est veritas et sacramentum, manifeste
magnus est.
19. AMBROS. Justificatum . Humanae naturae hoc
aptatur, quia spiritus habitationem in baptismate
accepit.
20. Apparuit . Hoc est, perspicuus angelis factus
est.
CAP. IV.—1. LANFR. Spiritus autem manifeste , etc.
Vel columna Christi firmabit Ecclesiam contra
impugnantes a fide discedentes, et quod discederent
spiritus manifeste dicit.
2. Et cauteriatam . Cauterium, ferrum quo aduritur
rei facies.
3. AMBROS. Habentium suam . Qui enim de castitate
se simulant disputare, omnem spurcitiam in
se perpetrare inveniantur.
4. LANFR. Prohibentium nubere , etc. Praecipit ei
ut interdicat eis spernere cibos, non nubere, et
praedicare per spiritum, quia hoc prohibetur eis a
pseudoapostolis.

Torna all'inizio