Iacobus Veronensis: Liber peregrinationis

Capitolo III

Pag. 40


Syon a cenaculo per unum bonum miliare: in isto loco intravi. Antiquitus
fuit ibi ecclesia una. sed est dirupta nunc.
Prope locum Gethsemani. in via. que vadit ad montem Olivarum et prope
locum oracionis. ubi Cristus oravit. inter ista duo loca est caverna. ubi
dicitur. quod corpora. que resurrexerunt cum Cristo. quum mortuus fuit
pro nobis peccatoribus. reintraverunt in illa caverna et ibidem quieverunt.
Prope locum Gethsemani quantum est jactus lapidis. erat ortus et adhuc
est. ubi Cristus assumens Petrum. Jacobum et Johannem. ivit ad orandum
et ipse avulsus ab eis. quantum jactus est. in eodem orto oravit.
et factus est ibi sudor ejus tamquam gutte sanguinis decurrentis in terram. et
ibi venit angelus de celo confortans eum. In illo orto. venit Judas maledictus
et osculatus est Jhesum dicens: Ave Rabbi. In illo orto. dum
Judei vellent capere Jhesum. dixit eis: Quem queritis? Et abierunt
retrorsum et ceciderunt in terra.
In illo orto. abscidit Petrus auriculam
Malchi. et Cristus sanavit eum. In illo orto beatus Johannes evangelista
captus fuit per pannos. sed. rejectis pannis. nudus aufugit. In illo orto.
Dominus complevit suum testamentum. et mandatum caritatis et dilectionis
dedit discipulis suis. In illo orto captus fuit rex regum. Dominus
Jhesus Cristus. et ligatus funibus a Judeis. qui venerant cum lanternis et
fustibus: istum locum sepissime visitavi et de lapide loci. ubi Cristus
oravit. accepi. et ubi sudorem ad modum sanguinis expandit. Descendendo
per vallem Josaphat super torrentem Cedron sub monte Oliveti longe a loco
seu orto. ubi captus fuit Cristus. ad duos jactus baliste. est unum pulcrum
sepulcrum cum magna testudine: est quadrum. et in omni quadratura continet quatuor passus de meis. quantum potui ampliare brachia. et est altus cum
testudine per XV brachia: quidam dicunt. quod ibi rex Josaphat sit sepultus.
et ideo appellatur vallis Josaphat. quod non credo. ymmo est sepulcrum
Absolon. filii David. et hoc dixerunt mihi Judei. qui erant in Jherusalem.
et hoc habetur IIº Paralipomenon libro. quod Absolon. dum adhuc viveret.
fecit sibi monumentum in Valle regia. et in ibro IIº Paralipomenon habetur.
quod sepultus est in valle Josaphat in civitate David cum patribus suis.

Torna all'inizio