sub testimonio publico mittimus intuendam,
quibus omnibus coram principibus
et praelatis, ac religiosis quampluribus
quibuslibet aliis ordine, et sigillatim
ostensis, quanquam de patris instabilitate confusos
se filii reputarent ac verecundia capitis
praesentium rubor ora perfunderet, nihilhominus
tamen de eorum consilio praedictos
Panormitanos Episcopos, et magistrum Thadaeum,
et alios excellentiae nostrae legatos,
cum nunciis civitatum nostrorum fidelium,
ad sedem Apostolicam duximus emittendos,
per quos ad satisfactionem omnem
mora qualibet, et difficultate postpositis,
obtulimus nos paratos. Sed
nec in iis omnibus aversus est furor ejus, quin
dictus evangelizans pacem Christi vicarius,
sed author schismatis, et amicus erroris,
contra traditionem sanctorum Patrum, audiens
nuncios nostros portantes omnimodas
nostrae devotionis literas per dietam urbi
vicinos, et metuens, ne supervenientibus ipsis
obice vallo justitiae, sine publico scandalo forte
procedere non valeret, ex praefestinantia nimia
conceptum edidit abortivum, in nos supremum
Christianorum Principem die Dominica
Palmarum, contra solennem morem
sacrosanctae matris Ecclesiae: et in coena Domini
postmodum sententiam praecipitando,