hominis praecipientis quid post mortem ejus de rebus
ipsius sit agendum.
13. Non enim . Exponit ipsas meliores hostias, quae
est una, id est corpus Christi.
Visus [ f ., usus] autem loquendi sic vellet: in manufactis
sanctis exemplaribus verorum, vel in manufacta
sancta exemplaria verorum.
14. Peccati . Peccati dicit pro peccatorum. Omnia
enim peccata destruxit in his qui credituri erant.
15. AMBROS. Secundo apparebit . Non enim tunc
erat hostia pro peccato.
16. LANFR. Sine peccato . Sine peccato dicit, sine
similitudine carnis peccati. In primo enim adventu
suo Dominus talem carnem gestavit qualem et caeteri
homines qui peccatores erant; in secundo vero,
in tanta gloria caro ejus apparebit quanta nec excogitari
nec explicari ab aliquo mortalium potest. Potest
etiam intelligi, sine peccato, sine hostia pro
peccato; non enim tunc apparebit, ut peccata purget,
sed damnet.
CAP. X.—1. LANFR. Umbram enim . Redit ad
superiorem rationem, ubi dixit, legales hostias non
posse facere servientem perfectum juxta conscientiam.
Et est responsio, quasi diceret: cur dixisti
peccata exhaurienda per Christum, et non per
legem?
2. AMBROS. Non ipsam imaginem . Hoc est enim
ipsam veritatem.
3. Ipsis hostiis . Quid ergo nos? Nonne per singulos
dies offerimus? Offerimus, sed ad reconciliationem
mortis ejus, et una est haec hostia, non multae;
|
|