PROLOGUS VITę BEATI ROMUALDI.
Adversum te prorsus, inmunde munde, conquerimur
quia habes intolerabilem stultorum sapientium turbam tibi
facundam, Deo mutam. Habes qui per vanam eloquentiam et
inanem philosophiam se sciunt in superbię cornibus arroganter extollere:
non habes qui profuturum aliquid ędificationi proximorum
ad posterorum velit memoriam scedulis annotare.
Habes, inquam, qui in pretoriis iudicum negotiorum secularium
lites et causarum iurgia continuis valeant declamationibus perorare:
non autem habes qui possit in sancta ęcclesia vel unius
sanctorum virtutes et clara gesta describere. Sapientes siquidem
sunt ut faciant mala, bona autem facere nesciunt. Ecce enim
tria iam fere lustra transacta sunt ex quo beatus Romualdus
deposito carnis onere ad etheria regna migravit, et nemo adhuc
ex huiusmodi sapientibus extitit, qui de tot mirabilis vitę eius
preconiis pauca saltim hystorico stilo digereret, et avidissimę
|
1
5
10
15
|