Petrus de Vinea: Epistolarum libri VI

Pag 303

Tomus I


Et cum anno praeterito veluti cujusdam
profunditatis vadum ipsorum vires et animos
tentassemus, experimento securi tenuimus propositum,
firmavimus animum, dum desideratae
nobis consumationis effectum principia
bona promitterent, et laetitiae vespertinae
fiduciam lucifer traderet matutinus, cum Germaniae
retibus expediti, quae pro magna parte
furiosus ille juvenis quondam Dux Austriae
nostris processibus, veruntamen non impune,
paraverat, circa finem hujus aestatis Italiam
duximus repetendam, et cum usque ad
fines Brixiae paulatim jam nostra victoria pertingeret
continuata, quae nostrorum fidelium
sepibus undique circumsepta: tamen in Mediolanensi
praesidio veluti quodam foramine
respirabat. Expugnantibus nobis viriliter montem
clarum et ibidem quampluribus Brixiensibus
et plerisque majoribus captivatis, tacta
dolore cordis intrinsecus Brixia velut leaena
rugiens, dum dilacerari coram se filios respicit,
quos tueri non potest, ad defensionem sui
Mediolanenses eorum amicos et complices, in
spe firmi subsidii, sed demum in poenae consortium
evocavit. Post expugnationem deinde
castri praedicti nostrorum rebellium omnnium
viribus congregatis, dum nobiscum in campestris
belli discrimen aliquanto attrahi
non valerent, ipsos ulterius inutili mora
consumere, ad remotiora loca divertimus

Torna all'inizio